[i5i4] •

DE LA VILLE DE PARIS.

213

cot procureur general du Roy en la Chambre des generaulx de la Justice des Aydes, Geoffroy Du Souchay bourgois, et Jean Le Clerc auditeur en la Chambre des Comptes, maistre Jehan Olivier notere et secretere du Roy; des Quarteniers : maistre Estienne Savin, sires Jehan Croquet, François Choart, Robert Eschars, Jehan Maciot,Pierre Cossé, Charles L'Oyson, Jaques Le Hodoyer, Jehan Du Buz, Pierre de Moussy et François Rioust; et des bourgois grant nombre jusques à cent à six vingtz notables persones ;

Pour oyr la lecture desd, lettres, et sur icelles adviser qui seroit à faire; desquelles lettres lecture leur a esté faicte, et d'icelles la teneur s'ensuit :

2 4 août. A nos trés chers et bien amez les Prevost des Marchans et Eschevins, bourgois, manans et habitans de nostre bonne ville et cité de Paris.

De par le Roy,

"Trés chers et bien amez, vous savez les traicté de paix, amytié, confédération et aliance faiz entre nous et nostre trés cher et trés amé frere et cousin le roy d'Angleterre; et aussi le mariaige fait et traicté de nous et de la seur dud. roy d'Angleterre '''.Et pour ce que de bref, et mesmement dedans le xv^me d'Octobre prochain venant elle pourra estre bien avant dans ce Royaume, et mesmement près de nostre bonne ville de Paris pour y faire son entrée, nous, desirans de tout nostre cueur qu'elle y soit par vous recueille, honorée et receue le plus honorablement et grandement que faire ce pourra, vous enavonsbien voulu presentement escripre et advertir, en vous priant et mandant vous preparer et fere preparer toutes les choses qui sont requises à sad. entrée et reception, et tout ainsy que vous feriez à nostre propre persone et que fait a esté aux autres Roynes qui ont esté par cy devant, en sorte qu'elle et ceulx qui viendront en sa compaignie ayent cause d'eulx en louer et contanter.

Et vous nous ferez plaisir et service trés agreable en ce faisant, comme vous diront plus à plain de par nous nos amez et feaulx conseillers les Evesque de

Paris et s^r Du Bouchaige, nostre chambellan ordi-nere, ausquelz vous adjousterez foy comme vous feriez à nous mesmes.

"Donné à Sainct Cloud le xxini⁰ jour d'Aoust."

LOYS. Ainsi signé : Robertet.

Deliberation sur le fait de L'entrée de la Royne dame Marie d'Angleterre.

Après laquelle lecture, mons^r le Prevost des Mar-_tchans a recité sur l'advertissement et creance de mess™ les Evesque de Paris et s^r Du Bouchaige, faicte dès le mercredi xxm^e jour dud. mois d'Aoust, dont cy devant est faicte mention folio 111^e xvii <²'; et ce fait, mys les matieres en deliberation et demandé à ung chascun son advys et oppinion. Et finablement a esté advisé, conclud et deliberé par commun accord de recueillir, honorer et recevoir lad. Dame le plus grandement el honorablement que l'on pourra, ainsi que fait a esté derrenierement en tel cas à la deffuncte Royne '³' et mieulx, si faire se peult, en faisant beaulx misteres, jeux et esbattemens es portes et autres lieux acoustumez par où lad. Dame passera; et d'aller en bon ordre et honorables habitz au devant d'elle jusques à la Chappelle Saint Denis en notable et grosse compaignye, tant des officiers de la Ville que des maistres des confraries des Marchandises et autres bourgois et marchans d'icelle; et à l'entrée de la ville porter le ciel sur elle; aussi de luy faire de par la Ville don et present notable et condecent.

Et sur le tout pourront mesd. s" Prévots des Marchans et Eschevins veoir les Comptes et Registres de la Ville sur le fait de la venue et reception de lad. feue Royne, qui fut ou mois de Novembre l'an mil cinq cens et quatre, pour eslre aucunement in-struitz de la forme et maniere qui y fut lors tenue, car elle estoit belle et honorable⁽⁴⁾, et aussi des frais ct despens lors faiz de par icelle Ville, affin de mieulx se savoir conduire en icelle de present le plus honorablement qu'ilz pourront sans diminuer des choses acoustumées : car le tout redonde à l'honneur du Roy.

O Voy. la note 4 de la page 211.

(-) Sic au Registre; mais cette indication erronée (au lieu de : folio 11^e lxxvi = notre art. CCCXI) ne peut être, imputée qu'à l'inadvertance du scribe, puisque le Registre a conservé en son entier la pagination primitive. O Anne de Bretagne; voy. les notes 2 et 3 de Ia page 212. W Nouvelle notule en marge : Antre renvoy. — Cette mention vise les articles CLXVllI-CLXX, pages 93-97 ci-dessus.